JeyaBharathi
மண்டலாதிபதி
நனிநம்பிக்கை கொள்
நடைபழகும் மென்னெட்டு
நாளைய நீளெட்டு ஓட்டத்தின்
மௌன தொடக்கமெனும்
நனிநம்பிக்கை கொள்..
சுழல்ஓயா வாழ்வதன்
விசைகூட்டி விளாசிடும்
சமூக சாட்டையிடை,
சாதிக்க சங்கற்பம் கொள்..
உற்சாகம் பிரவாகிக்க
ஆழ்மன பாழ்கிணற்றில்
பச்சாதாபம் தள்...கொல்..
சுடுசொல் வடுவது
சுந்தர அகத்தில்
மற்றுமோர் சௌந்தர்யமெனும்
திட திமிர் கொள்..
வலு உறிஞ்சும்
வார்த்தைகள் புறந்தள்ளி
வாழ்வதன் குறிக்கோள் எட்டு..
வானது காலடியில்..
ஏற்றத்தினிடை
இறக்கம் நேர்கையில்
இயல்பென ..,
சுவை கொள்ள மனங்கொள்..
இலக்கதன் ஈர்ப்பில்
வலுவிழக்கும் தொடர் இடர்கள்..
அகஉள சபதத்தில்
ஆழமிழக்கும் புறவெளி அசாத்தியம்..
தீரா தேடலுடன்
தீர்க்க சிந்தையுடன்
எட்டித்தொடு..
எட்டா உயரங்கள்...
பிணையிட்ட சாத்திரங்கள் பிரித்தெறிந்து
எகிறிஎழுது பிறிதோர் சரித்திரம்..