Allivisalatchi
முதலமைச்சர்
தேவையான பொருட்கள்:-
பூண்டு - 100 கிராம்
மிளகாய்த்தூள் - 11/2 டீஸ்பூன்
பெருங்காயத்தூள் -1 டீஸ்பூன் ( சிறியது)
வெந்தயப்பொடி - கால் டீஸ்பூன்
புளி - எலுமிச்சை அளவு
வெல்லம் - 1 டீஸ்பூன்
தாளிக்க - நல்லெண்ணெய், கடுகு, உ. பருப்பு, கறிவேப்பிலை
உப்பு - தேவையான அளவு
செய்முறை:-
வாணலியில் இரண்டு ஸ்பூன் நல்லெண்ணெய் விட்டு உரித்த பூண்டை சிறிது வதக்கி கொள்ளவும். புளியை அரை டம்ளர் தண்ணீர் விட்டு கரைத்து எடுத்து கொள்ளவும். வதக்கி வைத்துள்ள பூண்டு ஆறியவுடன் அதனை மிக்ஸியில் போட்டு அரைத்து கொள்ளவும். வாணலியில் நான்கு ஸ்பூன் எண்ணெய் விட்டு கடுகு, உ. பருப்பு, கறிவேப்பிலை தாளித்து அரைத்த பூண்டு சேர்த்து வதக்கவும். பின்னர் அதனுடன் மிளகாய்த்தூள், வெந்தயப்பொடி, பெருங்காயத்தூள், சேர்த்து ஒரு நிமிடம் வதக்கவும். அதனுடன் கரைத்து வைத்துள்ள புளிக்கரைசலை சேர்க்கவும். பின்னர் அதனுடன் தேவையான அளவு உப்பு சேர்த்து வெல்லம் சேர்த்து மிதமான தீயில் வதக்கவும் . எண்ணெய் பிரிந்து வரும் போது அடுப்பை அணைக்கவும். சூடு ஆறியதும் வேறு பாத்திரத்தில் போட்டு மூடி வைக்கவும்.