அத்தியாயம் 1

அத்தியாயம் – 01💬

பெசன்ட் நகர் கடற்கரையில் மெல்லிய கடல் காற்றுக்கு நடுவே அமைதியான சூழலில் கம்பீரமாக நின்றிருந்தது அந்த அறுபடைவீடு முருகன் கோயில்.💬

காலைநேர சூரியனின் பொன்னிற வெளிச்சம் கோயில் பிரகாரத்தின் மீது படிய நகரின் இரைச்சலில் இருந்து விலகி அமைதியாக அமைந்திருந்த அந்த வளாகத்தில் முருகனின் ஆறுபடை வீடுகளையும் தரிசிக்கும் அந்த புனிதமான இடத்தில் முருகன் சந்நிதியில் இருந்து பரவியத் தூபியின் நறுமணமும் பிரகாரத்தின் மூலையில் ஒளிரும் தீப ஒளியும் அந்த இடத்திற்கு தனி ஆன்மீக கவித்துவத்தை தர கடலின் பேரிச்சலும்  கோயிலின் மணி ஓசையும் ஒன்றாக கலந்து அந்தக் காலைப் பொழுதே ஒரு வித காவியத்தன்மையாக மாற்றி இருக்க அவற்றை ரசித்தப்படியே கழுத்தில் சிலுவை டாலர் போட்ட வெள்ளிச் செயின் நெற்றியில் பட்டை காதோரம் பெரிய அல்லி மலர் அணிந்து முருகன் சந்நிதியில் கை கூப்பி நின்றிருந்தாள் ஜெஸானியா💬

“அப்பனே முருகா நான் என்ன இந்தியாவுக்கு பிரசிடெண்ட் ஆகணும் சூரியன்ல ராக்கெட் விடனும் இல்ல எங்க காலேஜ் HOD மண்டைய போடணும்னா வேண்டிகிட்டேன் ஒரு மொக்க எக்ஸாம் அதுலயும் யுனிவர்சிட்டி ஃபர்ஸ்ட் வரணும் கோல் மெடல் வாங்கணும்னா வேண்டிகிட்டேன் ஜஸ்ட் பாஸ் ஆனா போதும்னு தானே வேண்டிக்கிட்டேன் அது கூட பண்ண முடியாம 16 அரியர் வச்சிருக்க இது உனக்கே நியாயமா இந்த முறையாவது அந்த 16 அரியரையும் முடிச்சு நீ ஒரு பவர்புல் கோட்டுன்னு இந்த உலகத்துக்கு காட்டு முருகா உனக்கு என்னை ரொம்ப பிடிக்கும் எனக்கு தெரியும் அதுக்காக இந்த முறையும் என்ன ஃபைல் ஆக வைச்சு எங்க அம்மா வாங்கி வச்சிருக்க விஷத்த அவங்க கையாலேயே என் வாயில ஊத்த வைச்சு என்னையும் உன் கூடவே கூட்டிட்டு போயிறலாம்னு நினைக்காத முருகா நான் உயிரோட இருந்து பல பேர் உயிர வாங்க வேண்டியது இருக்கு நீ எனக்காக பெருசா ஒன்னும் பண்ண வேண்டியது இல்லை நான் எழுதின பிட்ல இருக்க கொஸ்டின் மட்டும் எக்ஸாம்ல வந்தா போது அதை எந்த டிஸ்டர்பன்ஸும் இல்லாம நான் எழுதினா மட்டும் போதும் அடுத்த முறை நான் உன்ன வந்து பார்க்கும்போது ஒரு டாப்பரா தான் உன்னை வந்து பாக்கணும்” என்றவள் கண்களை திறக்க அவளை அல்பமாக ஒரு பார்வை பார்த்தான் அஷ்வந்த்.💬

அவன் பார்வையின் பொருள் உணர்ந்தவளோ எதுவும் பேசாமல் பிரகாரத்தை சுற்ற அவள் பின்னால் வந்தவனோ “அடியே இன்னும் எவ்வளவு நேரம்டி நீ வேண்டுகிறதுல முருகனே என்னை விட்டா போதும்னு தலை தெறிக்க ஓடிற போறாரு வேண்டுறது தான் வேண்டுற கொஞ்சமாவது மனசாட்சியோட வேண்டிக்க கூடாதா ஜஸ்ட் பாஸ் கூட ஆக லாய்க் இல்லாத  நீ டாப்பரா வந்து முருகனை பார்க்கணுமா ஆளையும் மண்டையும் பாரு அது என்னடி நீ படிக்காம பதினாறு அரியர் வெச்சிட்டு முருகன் அரியர் வச்ச மாதிரி அவர்கிட்ட நியாயம் கேட்கிற நீ பண்ற டார்ச்சர்ல அவர் கையில இருக்க வேலால ஒரு நாள் உன் வாயில குத்த போறாரு பாரு என்று அவன் சொல்ல அவனை முறைத்தாள் ஜெஸானியா.💬

அவள் முறைப்பை கண்டு ஜகா வாங்கியவன் “சரி சரி எக்ஸாம்க்கு டைம் ஆச்சு வா காலேஜ் போகலாம்” என அவள் கையை பிடித்து இழுக்க💬

“டேய் டேய் இருடா சர்ச் போயாச்சு கோயில் போயாச்சு அப்படியே மசூதிக்கும் போய் தொழுதுட்டு வந்துரலாம்” என்று அவள் சொல்ல “அடியே ஆல்ரெடி லேட்டு இதுல மசூதி வேற போக போறியா நீ மசூதி போய் வாரதுக்குள்ள எக்ஸாமே முடிஞ்சிரும் என்றவன் அவளை குண்டு கட்டாக தூக்கி காரில் போட்டு காலேஜ் நோக்கி காரை இயக்க💬

“அடேய் துஷ்ட ஜந்து நான் பாஸ் ஆக கூடாதுன்னு எனக்கு எதிரா சதி திட்டம் போடுறியா நெவர் அது நடக்காது நடக்கவும் விடமாட்டேன் கடவுள் தூண்லயும் இருப்பாரு துரும்புலையும் இருப்பாரு இந்த கார் ஸ்டியரிங்லயும் இருப்பாரு” என அவன் சுதாரிக்கும் முன் கார் ஸ்டேரிங்கை தொட்டு கும்பிடுகிறேன் பேர்வழி கார் ஸ்டியரிங்கை மாற்றி மாற்றி திருப்ப அஸ்வந்த் அதை தடுக்கும் முன் கார் நேரே சென்று ஒரு புளிய மரத்தின் மேல் மோதியது.💬

மோதிய வேகத்தில் அஸ்வந்தின் தலை கார் ஸ்டியரிங்கில் மோத அதன் மேலே தலை சாய்த்து தன்னை ஆசுவாசப்படுத்த முயன்றான் அவன்.💬

அவன் அந்த ஸ்டியரிங்கில் தலை சாய்த்து இருப்பதை கண்ட பெண்ணவளோ “ஐயோ அஸ்வந்த் இப்படி அல்பாயிசுல எங்க எல்லாரையும் தனியா தவிக்க விட்டுட்டு போயிட்டியே இனி நா லக்ஸ் டார்லிங்கு என்ன பதில் சொல்லுவேன் உங்க பையன் புளியமரத்துல பேயோட பேயா டூயட் பாடுறான்னு சொன்னா லக்ஸ்ஸால தாங்க முடியுமா சரி அதைக்கூட விடு இதைப்பத்தி உங்க அப்பாக்கு தெரிஞ்சா விட்டது தரித்திரம்னு நிம்மதியா இருப்பாரே அவரை நிம்மதியா இருக்க விடக்கூடாதே என அவனை குலுக்கோ குலுக்கு என்று குலுக்கி ஒப்பாரி வைக்க “அடியே ஆர்வக்கோளாறு நீ படுத்துற பாட்டுல நான் ஒரேடியா பரலோகம் போயிருவேன் போல சீ கையடி என அவளை தள்ளிவிட்டு எழுந்து அமர்ந்தான் அஸ்வந்த்.💬

கார் ஸ்டியரிங்கில் அடிபட்டதால் அவன் நெற்றி புடைத்து இருக்க அதை கண்டவள் “என்னடா அஷ்வந்த் யாரு உன் நெத்தில டென்னிஸ் பால்லை ஒட்டி வச்சது” என்று பாவமாக கேட்க அவசரமாக தன் நெற்றியை தொட்டுப் பார்த்தான் அஸ்வந்த்.💬

அது பெரிதாக வீங்கி இருக்க “ஐயோ இந்த கொலைகார பாவிகிட்ட இருந்து இந்த தூய்மையான ஆத்மாவை யாராச்சும் காப்பாத்துங்களேன்” என்று அவன் புலம்ப “நா இருக்கும் போது எதுக்கு ப்ரோ டென்ஷனாகுற நீ முதல்ல இந்த சைடு வா நான் உன்னை பத்திரமா ஹாஸ்பிடல் கொண்டு போய் சேர்க்கிறேன்” என்று அவள் சொல்ல “எதுக்கு அடுத்து ஒரு தண்ணி லாறில வண்டியை ஏத்த போறேன்னு சிம்பாலிக்கா சொல்றியா நீ ட்ரைவ்  பண்ணா நம்ம ஹாஸ்பிடல் போகமாட்டோம் ஸ்ட்ரைட்டா மார்ச்சரி தான்” என்றவன் காரை அருகில் இருந்த கிளினிக் நோக்கி செலுத்த “அப்பாடா ஒருவழியா நம்ம பிளான் பண்ண மாதிரி எக்ஸாம்க்கு முழுக்கு போட்டாச்சு” என நிம்மதி பெருமூச்சு விட்டவாறு அப்பாவியாக அமர்ந்திருந்தாள் அவன் உயிர் தோழி.💬

அஸ்வந்த் காரை அருகில் இருந்த சிறிய கிளினிக்கில் நிறுத்தி மருத்துவரிடம் தலையில் வீங்கி இருந்த இடத்திற்கு சிகிச்சை அளிக்கும் படி கூற அங்கிருந்த நர்ஸ் சில ஹாயில்மென்ட்டுகளை அவன் தலையில் அடிபட்டு இருந்த இடத்தில் பூசினார்.💬

அந்த டாக்டரையும் நர்ஸையும் மாறி மாறி பார்த்த அஸ்வந்த் அந்த மருத்துவரிடம் “டாக்டர் என் உயிருக்கு எந்த ஆபத்தும் இல்ல இல்ல” என்று கேட்க அவனை மேலிருந்து கீழ் ஒரு பார்வை பார்த்த அந்த மருத்துவர் “மிஸ்டர் இது உங்களுக்கே ஓவரா இல்ல வீக்கம் கொஞ்சம் பெருசுதான் ஆனா உயிருக்கு எல்லாம் எந்த ஆபத்தும் இல்லை” என்று அவர் சொல்ல💬

“சாரி டாக்டர் உங்கள பார்க்க போலி டாக்டர் மாதிரியே இருந்துச்சா அது தான் கேட்டேன்” என்று அஸ்வந்த் சொல்ல நர்ஸ் அந்த விஷ ஊசியை எடுங்க என்று அந்த மருத்துவர் மேசையில் இருந்து ஊசியை காட்டி சொல்ல அஸ்வந்த் விடு ஜூட் என அங்கிருந்து எஸ்கேப் ஆகி இருந்தான்.💬

மாளிகைப்போல அமைந்திருந்த வீட்டின் வரவேற்பறையில் அமர்ந்து சோஃபியும் லட்சுமி பேசிக்கொண்டிருக்க வீங்கிய தலையுடன் அங்கு வந்து சேர்ந்தான் அஸ்வந்த்.💬

அவன் புடைத்த நெற்றியை கண்டதும் “டேய் அஷூ என்ன ஆச்சு எப்படி அடிபட்டிச்சு” என்று சோஃபி அவன் நெற்றியை தடவ “எல்லாம் நீங்க பெத்து வைச்சுருக்க தருதலை பார்த்த வேலை தான் ஆண்ட்டி” என்றவாறு அஸ்வந்த் அவர் அருகில் அமர அந்நேரம் விரல்களில் சாவியை சுழற்றியவாறு உள்ளே நுழைந்தாள் ஜெஸானியா💬

அவளைக் கண்டதும் சோஃபி “ஏய் எக்ஸாம்க்கு போகாம இங்க என்னடி பண்ற” என்று அதட்ட “அய்யோ மம்மி அந்த கூத்தை ஏன் கேக்குற வார வழியில அஸ்வந்த் ரோட்டுல போன ஒரு பொண்ண பார்த்துட்டு ரோட்ட பாக்காம ஸ்ட்ரைட்டா கொண்டு போய் புளியமரத்துல காரை விட்டுட்டான். நல்ல வேலை எனக்கு எதுவும் அடிபடல அஷ்வந்துக்குதான் தலையில லேசான அடி அவனுக்கு அடி பட்டு இருக்கும் போது நான் எப்படி எக்ஸாம் போவேன். எக்ஸாம் பேப்பரை பார்த்தாலே நம்ம அஷ்வந்த் மூஞ்சி தானே அதுல வந்து நிக்கும் அதுதான் எக்ஸாமை கட் பண்ணிட்டு அவனை ஹாஸ்பிடலுக்கு கூட்டிட்டு போனேன் என்று அவள் சொல்ல மூவரும் அவளை முறைத்தவாறு நின்றிருந்தனர்.💬

“என்ன லுக்கு மாறுது ஒருவேளை கண்டுபிடிச்சு இருப்பாங்களோ” என்று அவள் நினைத்து முடிக்கும் அவள் தலையில் நங்கென்று கொட்டி இருந்தார் சோஃபி.💬

“அய்யோ மம்மி நல்லது தானே செஞ்சேன் அதுக்கு எதுக்கு கொட்டுற” என அவள் தலையை தடவியவாறு கேட்க “யாரு நீ நல்லது செஞ்சியா எக்ஸாமை கட் பண்ண பிராடு வேலை பண்ணி அவ மண்டைய வீங்க வச்சி இப்போ செண்டிமெண்ட் சீனா போடுற” என்றவாறு சோஃபி அவளை அடிக்க துரத்த “யம்மோய் அவனா தான் போய் புளிய மரத்துல முட்டிக்கிட்டான் நான் ஒன்னும் பண்ணல” என்றவாறு ஓடியவள் எதிரே நடந்து வந்த வேதவள்ளியில் மோத இருவரும் சேர்ந்து கீழே விழுந்தனர்.💬

ஐயோ அம்மா இடுப்பு போச்சே அடியே விளங்காதவளே என்மேல இருந்து எழுந்திரிடி ஏதோ சோபால படுத்திருக்க  மாதிரி கம்பர்டபிளா படுத்திருக்க” என்று வேதவள்ளி கத்த💬

“ஐயோ அத்தை அடியே எழுந்திரிடி எனக்கு இருக்கதே ஒரே மாமியார் அல்பாயுசுல அவங்கள போட்டு தள்ளிராத” என்றவாறு லட்சுமி கீழே விழுந்து இருந்த இருவரையும் தூக்கி விட தலையின் மேல் வட்ட வட்டமாக சுற்றிக் கொண்டிருந்த பறவைகளை கை அசைத்து விரட்டிக் கொண்டு இருந்தாள் ஜெஸானியா💬

 💬

 💬