You must have JavaScript enabled in order to use this order form. Please enable JavaScript and then reload this page in order to continue.


ஊடல்

JeyaBharathi

Well-known member
#1
அன்பின் தேவைகள்
உரிமையாய் உருமாறும் கணம்
ஊடலின் முதல் புள்ளியாய்...

மொழியப்படும் சாடல் மொழிகள்
ஊடலில்
எழுதா சாத்திரங்களாய்...

ஊடல் நிமிடங்களில்
மட்டுமாய் முகம் காட்டும்
குறைமன தளும்பல்களுடன் ..
இயல்பாய் பின்னி பிணையும்
என்றோ நீர்த்த
இளமை காதல் கணங்களின்
விழிமொழி களவுகள்...

எவரெவருக்காகவோ
தொடங்கிய கலகமது.,
அவனுக்காக அவளுள்ளும்
அவளுக்காக அவனுள்ளும்
சமாதான துளிர்விட்டு
காதலாய் கிளைபரப்பும் ஊடல்..

கண்ணீரும் கதறலுமாய்
கணங்கள் கனமாய்
கரைந்தாலும்.,
ஊடலது உவகையே...

முற்றுப்புள்ளியாய் கூடல்
முற்றாமல் தொடர
காற்புள்ளியாயொரு ஊடல் ❤️ ❤️
 
Last edited:

Sponsored

Advertisements

New threads

Top