சுவாதிஷ்டானம்
அமைப்பு : ஆறு இதழ்கள் கொண்ட ஆரஞ்சு நிறத்தாமரை ஆகும். இச்சக்கரத்தினின்று ஆறுமுக்கிய நாடிகள் வெளிக் கிளம்புகின்றன. அவை தாமரையின் ஆறு இதழ்கள் போல் உருவகப் படுத்தி இருக்கின்றனர். ஒவ்வொரு நாடியின் அசைவினால் ஏற்படும் சப்தங்கள் "ஸ, ஹ, ம், ய, ர, ல" என்ற எழுத்துக்களால் குறிக்கப்படுகின்றன. இதன் மையத்தில் வளைந்த சாம்பல் நிறப் பிறைச் சந்திரன் ஒன்றும் குறிக்கப் படுகிறது.
இடம் : பிறப்புறுப்புக்கு மேல்.
மூலக்கூறு : நீர்
ஆண் தெய்வம் : விஷ்ணு, இவர் காப்பவர், கரு நீல நிற மேனியுடன் தங்க நிற வேட்டியும், பச்சை நிற துண்டும் அணிந்து நான்கு கைகளுடனும் காணப்படுகிறார். சங்கு, சக்கரம், கதை, தாமரை மலர் ஆகியவற்றினை கைகளில் தாங்கி இருக்கிறார்.
பெண் தெய்வம் : மகா குண்டலினி சக்தியானது இதில் பாயும் போது இதன் பெயர்
ராகிணி (அ) சாகிணி. செந்தாமரையில் அமர்ந்து சிகப்பு நிற புடவை அணிந்து இரண்டு தலையும், நான்கு கைகளுடனும் காணப்படுகிறாள். மண்டையோடு, அம்பு, கோடாரி, உடுக்கை ஆகியவற்றினை கைகளில் தாங்கி இருக்கிறாள்.
மிருகம் : பச்சை நிற முதலை, வருணனின் வாகனம்.
சம்பந்தப்பட்ட உறுப்புகள் : கர்ப்பப்பை, பிறப்புறுப்புகள், பெருங்குடல்
பீஜமந்திரம் : வங்
பலன்கள் : இந்த சக்கரம் மலர்வதால் நமது சுய கட்டுப்பாட்டின் தீவிரம் தூண்டப் பட்டு விழிப்புணர்வு நிலை மிளிரும். நமது எண்ணம், செயல், சிந்தனை சார்ந்த விஷயங்களின் மீதான மேம்பட்ட பிடிப்புணர்வுக்கு இந்த சக்கரம் தூண்டப் படுவது அவசியமாகிறது.
வேறு:
மூலாதார தலத்திற்கு மேலே உள்ள தலம் சுவாதிஷ்டான சக்கரம். அனைத்து சித்தர்களும் இந்த சக்கரம் குறித்து பாடி உள்ளார்கள். அவற்றுள் போகர்
சிறப்பாக சொல்லி உள்ளதையும் அகத்தியர் மற்றும் திருமூலரும் சொன்ன ரகசியங்களை பார்ப்போம்.
துதிசெய் மூலத்தை தாண்டி அப்பால்
துடியான நாலங் குலமே தாண்ட
பதிசெய்த பிரம்மனுட வீடுமாகும்
பகர்ந்த சுவாதிஷ்டானம் மென்றுபேரு
அதிசெய நால்வட்டாக வலயஞ்சுத்தல்
ஆறிதழ் தானச்சரத்தை யறியகேழு
பதிசெய்த பாமபுராமா யாக வந்தால்
பாங்கான நாடு பீசம் லங்நங் ஆமே
- போகர் வைத்திய காவியம் 1000 (பாடல்35)
நகாரம்மென்ற எழுத்ததுவும் பிரமர்க்காகும்
லாஎன்ற எழுத்ததுவும் பிரிதிவி பீஜம்
வகாரம்மென்ற துரியத் திருப்பிடந்தான்
புகழ்கின்ற இருக்கான வேதமாகும்
அகாரம்மென்ற அன்னமாம் வாகனந்தான்
அதனுடைய நிறம்பொன் நிறமுமாகும்
மகாருகின்ற இவருடைய தொழிலின் கூறு
மயிரெலும்பு இறைச்சிதோல் நரம்போடன்சே
- போகர் வைத்திய காவியம் 1000 (பாடல்36)
அஞ்சான பொன்னிநிறம் பிரம்மன் பக்கம்
அடங்காத வாணி நிறப்பாள் ளறிந்துகொள்ளு
- போகர் வைத்திய காவியம் 1000 (பாடல்37)
கேளடா நிலையறிந்து வாசிகொண்டு
கீழ் மேலும் நன்றாக நின்றுபாரு
சூலட நின்றநிலை பார்க்கும் போது
ஜோதிஒன்று தோன்றுமடா பிரம்ம சொரூபம்
ஆளடா பிரம்மநிலை ரூபம் கண்டால்
அடங்காத வாசியது அடங்கும் வீட்டில்
கானடா வாசியது அடங்கி நின்றால்
கண்ணடங்கா பூரானத்தை காணலாமே
- அகத்தியர் வாத சௌமியம் (பாடல்59)
கொண்ட இச்சக்கரம் கூத்தன் எழுத்தைந்து
- திருமூலர் திருமந்திரம் (பாடல் 909)
நின்ற எழுத்துக்கள் நேர்தரு பூதமும்
நின்ற எழுத்துக்கள் நேர்தரு வண்ணமும்
- திருமூலர் திருமந்திரம் (பாடல் 907)
ஆகின்ற சக்கரத் துள்ளே எழுத்தைந்தும்
பாகொன்றி நின்ற பதங்களில் வர்த்திக்கும்
ஆகின்ற ஐம்பத்தோர் எழுத்த்துள் நிற்கப்
பாகொன்றி நிற்கும் பராபரன் தானே .
- திருமூலர் திருமந்திரம் (பாடல் 905)
சுவாதிஷ்டான சக்கரத்தின் இருப்பிடம்:
**********************************************
மூலாதாரத்தில் இருந்து அவரவர் கைவிரல் அளவில் நான்கு விரல் அளவு மேலே உள்ளது சுவாதிஷ்டானம்.
சக்கர அமைப்பு:
*******************
நாற்கோணம் என்ற சதுரம். அதை சுற்றி
வட்டம். வட்டத்தை சுற்றி ஆறு தாமரை
இதழ்கள். இதன் நிறம் பொன்நிறம் என்ற மஞ்சள்.
மந்திரம்:
***********
ஆதார தலங்கலீல் கூத்தன் என்ற சிவன். பீஜ மந்திரம் ஐந்து எழுத்து மந்திரமான “நமசிவய” உள்ளது . ஐந்து பூதங்களான மண், நீர், நெருப்பு, காற்று, ஆகாயம் உள்ளது. அதன் நிறங்களும் உள்ளது.
ஆறு ஆதார தளங்களில் உள்ள மொத்த இதழ்கள் ஐம்பது இதனுள் ஐம்பது எழுத்துக்கள் அடங்கும். நிறாதார தலமான சகஸ்ராரத்தில் ஓம் என்பது ஒரு எழுத்து உள்ளது. அதையும் சேர்த்து 51 எழுத்தாக விரியும். அக்காலத்தில்
தமிழுக்கு ஐம்பத்தொரு எழுத்து என்றும்
கூறுவார். சமஸ்கிருதத்தில் 51 எழுத்து
என்றும் கூறுவார்.
இந்த 51 எழுத்துக்களும் ஐந்து எழுத்தில்
அடக்கம். எனவே ஐந்து பீஜ மந்திரத்தையும் ஓம் உச்சரித்தல் சிறப்பு
அல்லது போதும்.
சுவாதிஷ்டான சக்கரத்தின் பீஜ மந்திரம்: லங் அல்லது லம். அல்லது நங் அல்லது நம். இத்தலத்துள் இருப்பது உகாரம் என்ற பஞ்ச வித்து. இத்தலம் பிருதிவி என்ற மண்ணின் கூறு. பிரிதிவின் பீஜ மந்திரம் லா. இதை லங் என்றும் லம் என்றும் உச்சரிக்கலாம்.
சிவனின் பீஜமந்திரமானது "நமசிவய". இந்த மந்திரத்தில் "ந" என்பது மண் பூதமாகும் "ந".
இதை "நங்" என்றோ அல்லது "நம்" என்றோ உச்சரித்தல் வேண்டும்.
இந்த தலத்தின் உணர்வு நிலை அல்லது
அவத்தை "துரியம்" என்ற உணர்வுநிலை.
ஒருவர் தியானம் செய்யும்போது ஐந்துவகை அதிர்வு அலைகள் உருவாகின்றன என்று இன்றைய அறிவியல் சொல்கிறது. அதன் படி துரியம் என்ற நிலையில் உருவாவது காமா அதிர்வலை ஆகும்.
இத்தலத்தின் அதி தேவதைகள் பிரம்மாவும் சரஸ்வதியும் ஆவார்கள்.
இவர்களிடம் படைத்தல் என்ற குழந்தை வரம் வேண்டல் சிறப்பு. அறிவு ஆற்றல் பெறவும் பிற படைப்புகள், நூல்கள், திட்டங்கள் செய்வதர்க்கும் இந்த சக்கரத்தில் வேண்டுதல்
செய்யவேண்டும்.
குண்டலினி யோகத்தில் இரண்டாவது சக்தி ஆதார மையமான சுவாதிஷ்டானம் உள்ளது. இதற்கு "நிராகுலம்"
என்றொரு பெயரும் உண்டு. நிராகுலம்
என்றால் துன்பமற்று ஞானமயமாக இருப்பது என பொருள்படும்.
மூலாதாரத்திற்கு மேலே இருக்கும்
இரண்டாவது சக்கரம் சுவாதிஷ்டானம். நமது பிறப்பு உறுப்பிற்கு மேலே இது
இருக்கிறதாம். அதாவது மூலாதார சக்கரத்தில் இருந்து நான்கு விரற்கடை அளவு மேலே இருப்பதாக கூறியிருக்கின்றனர். இந்த சக்கரமானது பஞ்சாட்சர எழுத்துக்களான "சிவயநம" என்னும் எழுத்துகளில் ஒன்றான "ந" என்னும் எழுத்தையும், அதன் தத்துவத்தையும் விளக்குவதாக அமைகின்றது.
இச்சக்கரத்தினின்று ஆறு முக்கிய நாடிகள் வெளிக் கிளம்புகின்றன. அவை தாமரையின் ஆறு இதழ்கள் போல் உருவகப் படுத்தி இருக்கின்றனர். ஒவ்வொரு நாடியின் அசைவினால் ஏற்படும் சப்தங்கள் "ஸ, ஹ, ம்,
ய, ர, ல" என்ற எழுத்துக்களால்
குறிக்கப்படுகின்றன. இதன் மையத்தில்
வளைந்த பிறைச் சந்திரன் ஒன்றும் குறிக்கப் படுகிறது.
அகத்தியர் தனது பாடலில் விவரித்திருக்கும் சுவாதிஷ்டான சக்கரத்தின் மாதிரி படம் தான் இது.
சுவாதிஷ்டானத்தின்,
அதிதேவன் பிரம்மதேவர்.
அதிதேவதை ராகிணி/சாகிணி.
பஞ்ச பூதங்களில் ஒன்றான நீர் இதன் மூலக் கூறாக கூறப்பட்டிருக்கிறது.
சுவாதிஷ்டானமானது நமது பிறப்பு உறுப்புகள், கருப்பை, குடல் ஆகிய உறுப்புகளுக்கு தொடர்புடையதாம்.
சுவாதிஷ்டானத்திற்கான மூல மந்திரம் "வங்" என்பதாகும். சுவாதிஷ்டானத்தை மனதில் இருத்தி மூலமந்திரத்தை உருவேற்றி வர குண்டலினி சக்தியானது இந்த மையத்தை அடையும். இது விடாத முறையான தொடர் முயற்சி மற்றும் பயிற்சியினால் மட்டுமே சாத்தியமாகும்.
சித்தர்கள் இந்த சக்கரங்கள் ஒவ்வொன்றையும் ஆணின் அம்சமாகவே கூறியிருக்கின்றனர்.
குண்டலினி சக்தியை பெண் அம்சமாக
அதாவது வாலையின் அம்சமாய்
உருவகிக்ன்றனர். இந்த சக்கரத்தின் வழியே குண்டலினி சக்தி பாயும் போது அவை பூரணத்துவம் அடைந்து மலர்வதே சித்தியடைதல் எனப்படுகிறது.
இந்த சக்கரம் மலர்வதால் நமது சுய
கட்டுப்பாட்டின் தீவிரம் தூண்டப் பட்டு
விழிப்புணர்வு நிலை மிளிரும். நமது
எண்ணம், செயல், சிந்தனை சார்ந்த
விஷயங்களின் மீதான மேம்பட்ட
பிடிப்புணர்வுக்கு இந்த சக்கரம் தூண்டப்படுவது மிக மிக அவசியமாகிறது.
