Allivisalatchi
முதலமைச்சர்
தேவையான பொருட்கள்:-
மட்டன் - கால் கிலோ
தேங்காய்- அரை மூடி
வெங்காயம் - 2
தக்காளி - 1
ப. மிளகாய் - 3 ( அ) நான்கு
சோம்பு - 1 டீஸ்பூன்
சீரகம் - 1 டீஸ்பூன்
மிளகு - 10
பூண்டு - 6 (அ) 7
பொ. கடலை - 2 டீஸ்பூன்
கசகசா - 1 டீஸ்பூன்
கல்பாசி - சிறிது
உப்பு - தேவையான அளவு
தாளிக்க - பட்டை, சோம்பு, லவங்கம்
செய்முறை :-
கடாயில் 2 டீஸ்பூன் எண்ணெய் விட்டு தேங்காய், ப. மிளகாய், பொ. கடலை , கசகசா , சோம்பு, சீரகம், மிளகு , பூண்டு , பாதி வெங்காயம் , சிறிது உப்பு , புளி சிறிது சேர்த்து சிறிது நேரம் வதக்கவும். தேங்காய் நிறம் மாறும் முன் இறக்கி சிறிதுநேரம் ஆறவிடவும். குக்கரில் 2 டீஸ்பூன் எண்ணெய் விட்டு பட்டை , சோம்பு , லவங்கம் தாளித்து வெங்காயம் சேர்த்து வதக்கவும். பின்னர் தக்காளி சேர்த்து வதக்கவும். அதனுடன் கழுவிய மட்டன் துண்டுகளை போட்டு நன்கு வதக்கவும். மட்டன் தண்ணீர் விட்டு வந்து அந்த தண்ணீர் வற்றும் வரை வதக்கவும். பின்னர் 2 டம்ளர் தண்ணீர் விட்டு உப்பு சேர்த்துக் கொள்ளவும் ( உப்பு வதக்கும் போது பாதியளவு மட்டன் வேக வைக்க பாதி அளவு ) .குக்கரை மூடி வேக வைக்கவும். மட்டன் வெந்தவுடன் வதக்கி வைத்துள்ள தேங்காயை அரைத்து அதனுடன் சேர்க்கவும்.உப்பு சரிபார்த்து 10 நிமிடங்கள் கொதிக்க விடவும். பின்னர் அடுப்பை அணைத்து 2 நிமிடங்கள் கழித்து வேறு பாத்திரத்தில் மாற்றி பரிமாறவும்.
