Urasaathey Usura Thaan -- epi 26

#75
romba romba arumayana and lovable ud....
Amaravathi Kumaraguru evlo alagana nimmathiyana valkai valnthurukanga.....sadhku appave nalla avan ammava monthu palakki veachurukkan......avanga rendu peroda purithal and love amazing illaya......Amaravathiku vendi ivaru operation pananthu arumai ipdiyum manasu vanthurukke panna.....ipdi unmayavea panna unga chemistry mastera parattanum......manaivikku ithai veeda vera enna venum avanga kathalukku satchiya......ipdi patta valkai valntha sadha apapa kandippa avanga vibathu adhirchi kodukkum....
 

Dhanuja

Author
Author
#80
கையைப் பிடித்து மனைவியை கூட்டி சென்று சாப்பிடும் இடத்தில் அமர்த்தினார் குமரகுரு. வீட்டு சாப்பாட்டையும் பிரியாணியையும் ஒருவருக்கு ஒருவர் ஊட்டியபடி சாப்பிட்டு முடித்தனர்.
சாப்பிட்டதும் படுக்கை அறைக்கு வந்தார்கள் இருவரும். சதாவுக்கு தூக்கம் கண்ணை சுழட்டினாலும் அமராவதிக்காக காத்திருந்தான்.
“ஏன்டா இன்னும் தூங்கலையா?” கேட்டார் குமரகுரு.
“அம்மா கை வேணும்”
“பத்து வயசாச்சு, இன்னும் அம்மா வேணும் கை வேணும்னு”
“பாரும்மா, அப்பா திட்டுறாரு”
“தூங்கறப்போ ஏன் பையனைத் திட்டறீங்க? கெட்ட சொப்பனம் ஏதாச்சும் வரதுக்கா? நீ வாடா என் தங்கம்” மகனை அருகே படுக்க வைத்து தன் கையைக் கொடுத்தார் அமராவதி. கையை முகர்ந்த சில நிமிடங்களில் தூங்கி விட்டான் சதா.
“அவன கெடுத்து வைக்கறதே நீதான்டி. ஆம்பள பையன் மாதிரியா வளர்க்கற? எப்போ பாரு அம்மா, அம்மானு உன் முந்தானையில ஒளிஞ்சிக்கிறான்.”
“ஒளிஞ்சிக்கிட்டும். இப்ப அதுக்கு என்ன? எவ்வளவு வளந்தாலும் அவன் எனக்கு குழந்தைதான். நானே பையன் என்னை விட்டு விலகிப் போறானோன்னு கவலைல இருக்கேன். நீங்க வேற! குளிப்பாட்ட விடமாட்டறான், வெளிய போனா கைப்பிடிக்க விடமாட்டறான்.”
“வளருறான்டி! ஆம்பள பசங்க இப்படித்தான் வளர வளர விலகிப் போவாங்க. பொம்பள புள்ளைங்கனா எப்பவுமே ஒட்டிக்கிட்டே இருப்பாங்க”
“ஹ்கும். அதுக்குத்தான் இங்க வழி இல்லையே.”
“விடுடி கண்ணும்மா”
“என்னத்த விட? இவன பெக்கறப்போ ரத்தப்போக்கு ரொம்ப இருக்கு அடுத்த பிள்ளைய கொஞ்ச நாள் தள்ளிப் போடுங்கன்னு சொன்னாங்க. ஓரேடியா தள்ளிப் போடற மாதிரி பொசுக்குன்னு போய் ஆபரேஷன் பண்ணிட்டு வந்துட்டீங்களே!”
எப்பொழுது இந்த விஷயம் அவர்களுக்குள் வரும் போதும் கண்ணைக் கசக்குவார் அமராவதி.
“கண்ணெல்லாம் நெட்டுக்கிட்டு, நீ மூஞ்சி வேளிரி போய் கிடந்தத பார்த்து பாதி உசுரு போச்சுடி எனக்கு. புள்ள பெருசா இருக்கான்னு கத்திரிக்கோல் போட்டது மட்டுமில்லாம, பொழச்சி வருவியான்னு தெரியாதுன்னு வேற சொல்லிட்டாங்க. மூனு நாளு பைத்தியக்காரன் மாதிரி சுத்திகிட்டு இருந்தேன் ஆஸ்பத்திரில. திரும்ப உன்னை அந்த நிலைமைக்கு ஆளாக்கவே கூடாதுன்னுதான், போய் நான் பண்ணிகிட்டு வந்துட்டேன். இல்லைனா என்னை எப்படியும் கரைச்சி அடுத்தப் புள்ளைக்கு அடி போடுவன்னு தெரியும்டி கண்ணுரங்கம்.” அழும் மனைவியை அணைத்துக் கொண்டார்.
“நமக்கு சதா ஒருத்தன் போதும்மா! நம்ம பொருளாதர நிலையில நிறைய புள்ளைங்கல பெத்து எதுக்கு அதுக்கும் இதுக்கும் ஏங்க விடனும். இவன மட்டும் நல்லா படிக்க வச்சு, முடிஞ்ச வரைக்கும் அவன் ஆசைகள நிறைவேத்தி ராஜாவாட்டம் வளப்போம் கண்ணு. என் கண்ணுல, அழாதேடி.”
“அழாம எப்படி மாமா? நான் உன் மேல வச்ச காதல் தான் பெருசுன்னு நினைச்சுக்குவேன். ஆனா அப்படி இல்லைடி மண்டு, என்னோட காதல் தான் பெருசுன்னு அடிக்கடி என்னை திக்குமுக்காட வச்சிருற. எத்தனை ஜென்மம் எடுத்தாலும் எனக்கு நீதான் மாமா புருஷனா வரனும்.”
“எனக்கும் நீதான் பொண்டாட்டியா வரனும்டி கண்ணுரங்கம்” தழுதழுத்தார் குமரகுரு.


(உரசுவான்)


ஆண்கள் குமரகுரு மாதிரி இருக்காங்களான்னு கேட்டிங்கன்னா, எனக்கு தெரிஞ்சு இருக்காங்க. என்னோட கெமிஸ்ட்ரி சார் மிஸ்டர் லிம். அவர் மனைவிக்காக தானே போஉ ஆப்ரேஷன் செஞ்சுட்டு வந்தாரு. எங்க கிட்ட எல்லாம் ஷேர் பண்ணிகிட்டாரு இந்த விஷயத்தை. ஆண்கள் பண்ணிகிட்ட ஒரே வலியா போயிரும். பெண்கள் செஞ்சிகிட்டா, போக போக எஆதவது பிரச்சனை வந்துகிட்டே இருக்கும்னு சொன்னாரு. க்ரேட்ல. அதோட தாக்கம்தான் இந்த எபி..
Nice information vanima atha avar share panathu ennum arumai
 

Find SM Tamil Novels on mobile

Latest updates

Latest Episodes

Mobile app for XenForo 2 by Appify
Top